صدقا , انا مش متابعة ولا كنت مهتمة باحداث ريو باي حال من الاحوال بس حابه اتكلم عن حاجة بسيطة بخصوص سارة اللي حصدت ميداليه برونزيه ..انا فرحت لساره مش عشان هي مصرية كلنا عارفين كويس ان مصر بتموت الابطال مبتعملهمش
سارة بطلة عشان طالعه من وسط بلاعه اسمها شرق اوسط ..ووصلت للي هي فيه ..فتيجي مشايخ كما هو متوقع ينتقدوا لبسها ومفاتنها باينه والكلام اللي لا يدل علي حاجة سوي ان عقل الناس دي موجود مكانه عضو تناسلي
- يسري مارديني..سباحة سوريه عمرها معداش العشرين انقذت عشرين شخص من الغرق باتها تعوم بالمركب اللي هم فيه ...عشان عضو تناسلي شرق اوسطي تاني يكتب كومنت يتمني فيه موتها علي انها تطلع بلبس سباحه
دول اللي شايفين ان البنت والست عورة ومينفعش تظهر ولا تخرج من البيت ولا تسافر ولا تدرس ولا تشتغل ولا تفكر حتي تقارن نفسها بالرجال
في نقاش تم بيني وبين احد هؤلاء
"الست مش زي الراجل ..الست قويه وتستحمل بس في مجالها "
الجملة فيها كمية عجرفة وغرور مش طبيعي ولكن مع ذلك هكمل للاخر ..لو حبيت اطبق الجمله دي علي اقرب ست في حياتي وهي امى هلاقي التالي :
واحده ست من بعد وفاه زوجها ولمدة 5 سنوات حتي الان شالت مسئولية بيت وتلات ابناء بطولها ..محدش ساعدها
بتشتغل وتصرف ومتحملة المسئولية كاملة بصلابه 200 شخص من اللي بيقولوا الست مش زي الراجل
فنفترض جدلا ان حد في ظروف والدتي اقتنع ان الست مكانها البيت وانها متستحملش الاعباء ..ايه السيناريو اللي كان ممكن تمشي بيه حياتي انا واسرتي حاليا ..؟؟
- كونك تتكلم مع بنت وتقولها "خليكي في المطبخ " ده مش مؤذي ليها علي فكره بالعكس ..ده اهانة ليك انت لان لامؤاخذه "اكبر طموح البهايم علفها " ...
ملكش الافضيلة علي البنت في اي حاجة و تكوينك الجسدي لا يتيح ليك اي حاجة تتمنظر بيها ...يعني اتلهي علي عينك واسكت
- "الست اجمل وهي بتكمل الراجل " ..علي قد ما الجملة تبان رومانسيه وفيها حنية ..فهي مش صحيحه ..انا مش هدفي اكمل جنابك ..اطلاقا
انت كيان كامل وانا كذلك ومتجملش سيطرتك او حصرك لدوري كبنت في حاجات معينة بجملة زي دي ..مش هدفي اكملك لا ..في حاجات اكر متعه ممكن اعملها
- الطريف ان في تيار معين بيهاجم النسوية بدون سبب يذكر ..بيحسوا بالقوة بطريقه ما ودول طفيليات هذكرهم بس مش هتكلم عنهم
- النسوية مش هدفها تلغي وجودك كراجل او تدي الست اكتر من حقوقها كبني ادم ..اه شفت المفاجأه ..خد حقوقك وسيبها تاخد حقوقها صدقني مش هياثر علي وجودك في حاجة هتفضل حي وهتتكاثر برضو
واخيرا
فالبنات والستات اللي بيهاجموا البنات اللي بتطالب بحقها او بتثور ...
البنات اللي شايفه نفسها عورة
وشايفه وشها وصوتها وشعرها هلاك للبشرية
المازوخيات صاحبات النفوس المريضه
فلعنة السماوات والارض عليكن جميعا ...انتو اعتي اعداء البنت ..انتن ذكوريات اكثر من الذكور انفسهم .
.......
No comments:
Post a Comment