مملة..انطباع اخدته عن الروايه من اول ٥٠ صفحة..الاحداث بطيئة بشكل مبالغ
فيه..كلها حشو وتفاصيل كان ممكن الاستغناء عنها ..لحظة التعقيد اتاخرت يعني
ليه الصراع يوصل لاقصي نقطة بعد تلتين الرواية تقريبا بينما حل الصراع جه
بمنتهي السهوله والاتقان والحبكة في التفاصيل اللي فضل وليد مخبيها لاخر
عشرين صفحة تقريبا..النهاية سعيدة وتقليدية..الطيب حلو وخد حاجة
حلوة..الشرير وحش وخد جزاءه..طبعا كل اللي اتقال ده في الارض لان الرواية
واقعية..والنهايةوالتفاصيل مش حاجة هيتحكم فيها الكاتب..ومع اني مش مقتنعة
تماما انها واقعية لمعاناتي من متلازمة "مفيش ظابط نضيف" الا ان الكاتب
برضو كان ممكن يقلل التقريرية في اسلوبه ..ابعاد الشخصيات مظهرش منها غير
جانب سطحي جدا ان وليد حلو شريف وحش..مع ان القفلة بتاعة الرواية بتبين
فساد وليد نفسه واستغلاله لمنصبه لانتقام شخصي..
وده لا يمنع اني اعجبت
بالاكشن اللي في الاخر وخطة وليد...مع انها اتنفذت بسهولة مبالغ فيها
..ولكن زي ما قولت الاحداث مش بايد الكاتب..
خفف سذاجة النهاية شويه ان
شريف اللي بيمثل الفساد موجود في منصبه ..ودي الحاجة الوحيدة الواقعية
بالنسبالي..واخيرا اللي فات لا يمنع اني استمتعت بالرواية الي حد ما .مجهود
حلو بس مش بروعة ربع جرام.
ع.ع
14/8/2014
No comments:
Post a Comment